خورشيد احمد شاهه
خورشيد احمد شاهه
خورشيد احمد شاهه: نامياري سياستدان، سيد خورشيد احمد شاهه ولد سيد ذوالفقار علي شاهه، 20 اپريل 1952ع تي سکر ۾ جنم ورتو. اسلاميه ڪاليج سکر مان گريجوئيشن ڪيائين. 1974ع ۾ ماسٽرس ۽ 1978ع ۾ ايل. ايل. بي جي ڊگري حاصل ڪيائين. سيد خورشيد احمد شاهه جي سياسي وابستگي ابتدا کان پيپلز پارٽيءَ سان رهي آهي. 1988ع ۾ صوبائي اسيمبلي سنڌ جو ميمبر چونڊيو ويو. ان عرصي ۾ کيس مختلف صوبائي وزارتن جا قلمدان ڏنا ويا، جن ۾ تعليم، تجارت، اطلاعات ۽ ناڻو کاتو شامل آهن. 1991ع کان 1993ع واري عرصي ۾ سيد خورشيد شاهه قومي اسيمبليءَ جو ميمبر چونڊيو. چونڊن بعد نئين ڪابينا ۾ کيس تعليم جو وفاقي وزير بڻايو ويو. 1997ع ۾ قومي ۽ صوبائي اسيمبليءَ جي سيٽن تي ڪاميابي ماڻيائين. 2002ع واري اليڪشن ۾ اين. اي- 198 تان قومي اسيمبليءَ جي چونڊ کٽيائين. ان عرصي دوران پيپلز پارٽي اپوزيشن جي جماعت رهي. 2008ع وارين عام چونڊن ۾ جڏهن پيپلز پارٽي اڪثريت سان کٽي آئي ته خورشيد احمد شاهه کي پهريان اوورسيز ۽ بعد ۾ ’پورهئي ۽ مذهبي مامرن‘ واري کاتي جو وفاقي وزير بڻايو ويو. اوورسيز سندس اليڪشني تڪ پنو عاقل ۽ سکر آهي. هن وقت سندس شمار پارٽيءَ جي سينيئر ۽ سنجيده سياستدانن ۾ ٿئي ٿو. مستقل رهائش سکر ۾ اٿس. ڪرڪيٽ ۽ موسيقيءَ سان دلچسپي رکي ٿو. خورشيد احمد شاهه قومي اسيمبليءَ ۾ قائم ڪيل مختلف ڪميٽين جو ميمبر پڻ آهي.
لفظ خورشيد احمد شاههھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1952.04.20 عيسوي
نامياري سياستدان، سيد خورشيد احمد شاهه ولد سيد ذوالفقار علي شاهه، 20 اپريل 1952ع تي سکر ۾ جنم ورتو.
شخصيتون - ڀاڱي جون ٻِيون داخلائون
چندر گپت موريارونالڊ ريگن
علاؤالدين قريشي
باگو فقير
ايسر سنگهه بيدي
ادا جعفري
ارباب کهاوڙ
دياگير سنت
عبدالنبي خان ڪلهوڙو
خانبهادر عظيم خان دراني